Eric的玩樂格

蒸水蛋好似好易，但係要真係蒸得好就真係唔係咁易，一係就水多得滯蒸出來好稀，一係就太杰，又或者時間控制得唔好，蒸出來好難食。

之前我都搵佐好多人教嘅方法，就算跟住做都未必做到人哋個效果，直至搵到"黃淑儀-入廚樂"呢個教蒸嫩滑蒸水蛋嘅食譜，只需簡單跟住做，每次都會成功，所以大力推介比大家，

下次我蒸嘅時侯再影相比大家睇。

"黃淑儀-入廚樂"內的嫩滑蒸水蛋食譜,是成功率最高,最受歡迎的！

材料︰

1. 雞蛋4隻 (打勻，數量隨人數自行決定)

2. 水是蛋液的1.5倍 (用凍滾水，1.5倍呢點最重要，一定要緊記)

3. 生抽少許

4. 熟油少許

做法︰

1. 猛火先煮滾水 (將碟架好,隨凍水一齊煮到水滾）

2. 蛋液先打勻，再與水一齊打，放鹽

3. 將蛋液倒在已煮熱的碟中，蒸2分鐘，記緊係2分鐘，熄火後不可揭蓋，再焗20    分鐘

4. 洒上蔥粒，贊熟油，落小小生抽即成

只要你依足這方法蒸水蛋，包你會得到前所未有的成就感！

P.S. 最近試過用雞湯，細包果隻蒸加3隻蛋嘅份量啱啱好。

#艾力廚房