專業樂手之所以專業，很大程度上是因為他們有大量嘅練習時間。係外國職業樂手每天練習（包括排練）8至10鐘是很平常的事。而業餘樂手之所以“業餘”係因為他們只能係有限的業餘時間裏練習。因此，兩者在能力﹑水準上的差別是極為明顯的。而造成這種差別的一個重要因素就是"練習時間而非能力"。就你個人而言，一天練習3小時與一天練習6小時，是絕對不一樣的。因此我要說，第一重要的是保證有足夠的練習時間，到底多少時間先適合則因人而異。下面我想講的重點就是，在保證練習時間的前提下，如何提高練習效率，如何能使練習事半功倍。下面就是我總結的幾條要訣︰
John Myung's
圖片來源:http://www.theguitarmagazine.com/wp-content/uploads/2016/03/IMG_0926-sml.jpg
1﹑搵個安靜的地方 (最好當然係固定的地方)
練習時當然要搵個沒有多餘雜聲嘅地方，呢個地方嘅安靜不單止是沒有聲音，而係進入一個特別嘅練習場域，不論是房間或只是屋內一角，這有助於作好進入心智高度專注活動前的心理準備，養成進入同一個場域練習的習慣會對快速集中注意力更有幫助。
2﹑ 預備一切所需嘅物品
把需要的物品放在手邊，例如鉛筆、鉛筆刨、擦紙膠。這些容易忘記的小物品如果唔係手邊，一旦要搵嘅時侯就會浪費練習嘅時間以及影響練習嘅節奏。
3﹑科技可以幫到你
電子拍子機、Tuner、計時器呢類嘅apps都很方便又實用。
4﹑ 設定目標
單純玩樂器同練習係兩樣野來的，在開始練習前應該先思考「今日我要做到什麼程度？」唔肯定的話可以同樂友或者教你嘅阿Sir討論，並且紀錄下來，以便能夠朝著目標進發。
5﹑ 每次都要正確地熱身，並且建立練習模式
一開始就彈到好似機關槍式嘅旋律絕對不可行。玩樂器就好似跑步或任何形式的運動一樣，手指都需要先做"熱身運動"，才能達到良好嘅狀態。許多音樂家開始練前都由某些特定曲目起步，先練音階亦都是常見嘅Warm up方式，能幫助人放鬆肌肉並專心思考跟住落來真正要面對嘅困難。你首先需要做一些左手手指的伸展運動，從幅度小嘅到幅度大嘅，咁樣可以讓血液流到你嘅指尖，然後再做一些音階彈奏練習，呢類練習有好多，你可以選擇一套自己喜歡的，最後可以即興演奏或者重奏你熟悉的樂段作為結束，讓身心舒緩下來。
6﹑係學新野嘅時候，練習嘅速度以不犯錯為准
呢一點點樣強調也不過分，每次你學彈一首新歌嘅時候，你第一次彈嘅狀況就係你個大腦最初嘅記憶，並會係將來照樣彈出嘅狀況。因此，如果你允許自己彈錯，而不停下來糾正，你實際上是在話比你個大腦聽，可以一遍又一遍地犯誤，除非你借用某種信號，讓你個大腦知道錯誤是不可接受的。否則，錯誤就會被編成程式，永遠停留在你的潛意識裡面。一旦定好了程式，犯同樣錯誤的可能性總是存在的，即使你想努力重新改寫程式，你的潛意識裏也是有了彈奏同一段旋律的兩個程式，這樣，你上到台，用哪一種程式呢 ?正確的機會率只有百分之五十，咁樣好可惜。要避免這一點，就需要你在平時練習嘅時侯，不要彈錯，特別是最初的幾次。而不彈錯的關鍵就是放慢速度，至於要幾慢先啱？則視乎個人能力，總之以不彈錯為准。
7﹑背譜
當你用緩慢嘅速度正確無誤地彈到一段旋律之後，即是旋律嘅節奏﹑速度﹑把位和音符都搞清楚後，就應該將份譜放埋一邊，嘗試將支結他放底，閉上眼睛，你需要保持絕對安靜，唔好睇電視，唔好比讓任何東西打擾你，係腦海裏想像剛才正確嘅彈奏動作，想像剛才彈奏嘅音符 (特別是困難嘅地方)，想像你嘅手指在緩慢地彈奏一個又一個嘅音符，你要學識呢種想像，它可以使你的練習效率提高30%，即是別人彈10次，你只要7次再加3次想像就可以了，並且效果好好多。這種練習可以在沉思或者入睡之前進行，這種練習的另一個好處就係可以培養你快速集中注意力的能力。
8﹑一邊睇電視或傾計，一邊練音階或者其他重複性技巧
這一點聽起來有點奇怪，前面講過，係你學新野嘅時候，要盡量減少令你分神嘅東西，以便使你的頭腦篇好正確的程式。但是，到你真正學識佐，可以閉上眼睛想像出整個旋律的時候，就應該讓負責速度和靈活性的神經線接管它們。所以睇電視的時候進行音階等練習，實際上是分散你大腦的注意力，讓它不再起作用，這樣就可以最大限度地放鬆，而讓腦神經最大限度地發揮。好多即場演奏時都會有突發性事情發生，呢個練習就可以訓練到自己係有事發生嘅時侯，依照可以穩定地彈奏。
9﹑彈奏嘅時候不要睇手位或結他嘅琴頸
如果你仲要問"為什麼唔睇到"嘅話，咁就唔該你將上面嘅內容重新再讀一次。我們已經知道佐讓大腦不起作用嘅好處，現在我哋要讓你嘅眼睛同樣也起不了作用。再講一次，如果你彈奏嘅時候對眼仲要睇指板，即是証明你仲未真正掌握到首歌。不但如此，你甚至連結他嘅其他位置都未掌握好。在演奏音樂的時候，眼睛是五種感覺器官中最不重要的一個。你試諗一諗，貝多芬或者一些盲人嘅音樂家，他們的優勢就在於當無佐視力嘅時候，聽覺和觸覺嘅敏感性會提高到一個新的水準。試一下閉著眼睛彈的效果，你觀看最出色的樂手演奏，就會注意到他極少看自己的手或吉他。你應該看你應該要看的地方，例如台下嘅觀眾。你要養成不看手或琴頸的良好習慣，這一點很重要，並且要從現在開始。
以上9個重點你都可能知道或者聽過，亦都可能正在無意識地使用其中的1﹑2點，不過咁樣係不可以的，而且仲遠遠不夠。你要真正理解並持之以恆地全面使用以上9點，剛開始的時候可能有些不太適應，熟練運用之後，你會發現效果很明顯。當你3個月後再睇睇，你會發現自己進步佐好多。
另外還有幾小提醒︰
1﹑大量的短時間練習效果最好
一個人嘅專注力始終有限，幾次的短時間練習加上休息，比起一次的長時間練習，效果更好。我自己彈Bass嘅時侯發現，如果集中精神練一至二個鐘，再休息15至30分鐘，然後再練習，練習嘅效果就非常好。如果某一天我精神狀態不佳，或者注意力唔集中，我就將練習嘅時間縮短到15分鐘，中間可能休息15分鐘。自己去嘗試搵你自己獨特嘅生物鐘，然後再決定什麼時候練習及練習多長時間。
2﹑不要每次都從頭開始
雖然能從頭優美的演奏一首曲子讓人感覺超棒，但既然專注力有限，實在不必每次都從第一小節練起，以免耗費太多心神。
3﹑做些身體方面的改變
當要挑戰特別困難的段落時，科學家建議可以搭配某些有難度的肢體動作，例如單腳企或邊走邊演奏，這會讓大腦塑造出新的神經迴路，當還原成一般狀態演奏時，原本的困難會變得容易一些。
留言列表